„ელიტარულ დონეზე გამოსვლას განაგრძობს" - FIBA-მ შერმადინი გამოარჩია
FIBA-ს ოფიციალურმა ვებგვერდმა ნოემბერში, ევრობასკეტის საკვალიფიკაციო ეტაპზე გამართული მატჩები შეაფასა და თითოეული ნაკრების MVP დაასახელა. FIBA-მ საქართველოს ეროვნული გუნდიდან გიორგი შერმადინი გამოარჩია.
Who'd you give the ????-????-???? award to on your team? ???? #EuroBasket
— FIBA EuroBasket (@EuroBasket) December 7, 2020
გიორგი შერმადინი (საქართველო)
საშუალო სტატისტიკა - 19 ქულა, 9 მოხსნა, 3 შედეგიანი გადაცემა.
„შერმადინი ელიტარულ დონეზე გამოსვლას განაგრძობს. 31 წლის კალათბურთელმა დაუღალავად იშრომა და საქართველოს ნაკრების მიერ მოგებულ 2 მატჩში 80-დან მხოლოდ 10 წუთი დაისვენა. შერმადინმა ფინეთთან შეხვედრაში 27 ქულა, 10 მოხსნა და 3 შედეგიანი გადაცემა დააგროვა. მის გარდა კი საკვალიფიკაციო ეტაპის გასულ ფანჯარაში თად მაკფადენიც გამოირჩა“, - წერს FIBA-ს ოფიციალური ვებგვერდი.
აქვე გეტყვით, რომ E ჯგუფიდან, რომელშიც საქართველოს ნაკრები ასპარეზობს, FIBA-მ ალექსა ავრამოვიჩი, სასუ სალინი და მარკო და დუშან მლადიანები გამოარჩია.
