შენგელიას შესვლა მე-4 ტურის ტოპ 10-ში მოხვდა - მაკფადენი სიმბოლურ ნაკრებშია
FIBA Eurobasket-მა ევრობასკეტის საკვალიფიკაციო ეტაპის მე-4 ტურის საუკეთესო მომენტების ტოპ 10 შეადგინა. ჩვენთვის სასიხარულო ისაა, რომ რჩეულთა შორის საქართველოს ნაკრების კაპიტნის, თორნიკე შენგელიას ლამაზი შესვლაც მოხვდა, რომელიც მე-10 ადგილს იკავებს.
Killer crosses, no-look dimes and a poster slam to top it all off! ????
— FIBA EuroBasket (@EuroBasket) December 1, 2020
What's your favorite play in the Top 10 of Gameday 4️⃣? #EuroBasket | #NikeTopPlays pic.twitter.com/sJQKu7iGRH
FIBA Eurobasket-მა საქართველოს ნაკრების ნატურალიზებული კალათბურთელი, ტად მაკფადენიც გამოარჩია. 33 წლის უკანახაზელი მე-4 ტურის სიმბოლურ ნაკრებში მოხვდა და FIBA-ს ოფიციალურ ვებგვერდზე მე-4 ტურის საუკეთესო კალათბურთელის გამოსავლენად გამოკითხვა მიმდინარეობს, სადაც ხმის მიცემა თქვენც შეგიძლიათ.
Who's your ????-????-???? for Gameday 4 of the #EuroBasket Qualifiers? ????
— FIBA EuroBasket (@EuroBasket) December 1, 2020
Vote ????️????
შეგახსენებთ, რომ შვეიცარიასთან მოგებულ შეხვედრაში მაკფადენმა პარკეტზე 38 წუთზე მეტი გაატარა და 24 ქულით, 2 მოხსნით, 6 შედეგიანი გადაცემითა და 1 ჩაჭრით გამოირჩა. მისი სარგებლიანობის კოეფიციენტი კი 27 გახლდათ. შენგელიას რაც შეეხება, მან შვეიცარიასთან მატჩში თავი 17 ქულით, 6 მოხსნით, 5 ასისტით და 1 ჩაჭრით გამოიჩინა.