ახალი სეზონის გამოტოვების საფრთხე - კლეი ტომპსონი კვლავ ტრავმირებულია
გოლდენ სტეიტ "უორიორსის" სუპერვარსკვლავმა კლეი ტომპსონმა მარცხენა მუხლის ჯვარედინი მყესები 2019 წლის სუპერ ფინალში "ტორონტოს" წინააღმდეგ გაიწყვიტა, რის გამოც მან უკანასკნელი სეზონი მთლიანად გამოტოვა.
ამერიკელი კალათბურთელი გამოჯანმრთელებული იყო, ვარჯიშიც განახლებული ჰქონდა და ახალი სეზონისთვის აქტიურად ემზადებოდა.
დღეს სპორტულ მედიაში გავრცელდა ინფორმაცია, რომ კლეიმ აქილევსის მყესი გაიწყვიტა. ეს შემთხვევა ლოს-ანჯელესში მოხდა, სადაც ერთმანეთს NBA-ს მოქმედი და ყოფილი კალათბურთელები ამხანაგურად უპირისპირდებოდნენ.
Klay Thompson will undergo testing within the next few days on a leg injury suffered in a workout in Southern California today, sources tell @wojespn. pic.twitter.com/GHLe8MZDzb
— SportsCenter (@SportsCenter) November 18, 2020
გავრცელებული ხმებით ტომპსონს მაგნიტო-რეზონანსული ტომოგრაფია ჩაუტარდება და უფრო დეტალურად გახდება ცნობილი მისი ტრავმის სიმძიმე.
მომხდართან დაკავშირებით "ლეიკერსის" და კალათბურთის ლეგენდარულმა მოთამაშემ ლებრონ ჯეიმსმა კლეი ტომპსონი "ტვიტერის" საკუთარ გვერდზე გაამხნევა. "შენთვის ბევრს ვლოცულობ. კლეი სუპერ ახალგაზრდასავით არის!"
Praying a lot @KlayThompson is cool!! Like it’s super minor. ????????????????????????????????
— LeBron James (@KingJames) November 18, 2020
შეგახსენებთ, რომ კლეი ტომპსონი NBA-ს ჩემპიონი ისტორიაში სამჯერ გახდა. ამერიკელმა ეს გოლდენ სტეიტთან ერთად 2015, 2017 და 2018 წელს მოახერხა. ტომპსონი ასევე 5-ჯერ მოხვდა NBA-ს ALL STAR-ის შემადგენლობაში.