თანაგუნდელებისა და ოჯახის წევრების მილოცვა - ტენერიფემ შერმადინს სიურპრიზი გაუკეთა
„იბეროსტარ ტენერიფემ“ გიორგი შერმადინს, რომელიც ოქტომბერში ლიგა ენდესას MVP-დ დაასახელეს, სიურპრიზი გაუკეთა. დღეს გამართული ვარჯიშის მიმდინარეობისას უეცრად დიდი ეკრანი ჩაირთო და ქართველმა ცენტრმა ნაცნობი სახეები იხილა.
VIDEO | #LaFamilia sorprende a @gioshermadini ????
— Iberostar Tenerife (@CB1939Canarias) November 10, 2020
???? El pívot del @IBEROSTAR Tenerife recibe el Premio #MVPMovistar de Octubre con la complicidad de compañeros y familiares pic.twitter.com/zxfGIE1KOk
შერმადინის თანაგუნდელებმა და მისი ოჯახის წევრებმა გიოს ოქტომბრის საუკეთესო კალათბურთელის ჯილდოს მოგება მიულოცეს. შემდეგ კი „შერმინატორს“, რომელიც ვიდეოს გაოგნებული უყურებდა, MVP-ის ჯილდო ოფიციალურად გადასცეს.
შეგახსენებთ, რომ გიო ოქტომბერში შეუდარებელი იყო და მისი სარგებლიანობის კოეფიციენტი 28.7 გახლდათ. შერმადინი გასულ თვეში საშუალოდ 18.3 ქულასა და 5 მოხსნას აგროვებდა და პარკეტიდან ნასროლი ორქულიანების 100, ხოლო საჯარიმოების 92 პროცენტი ჩააგდო.
