კლოპი: „დორტმუნდი“ კვლავ გადარჩენისთვის იბრძვის
დორტმუნდის "ბორუსიას" მთავარი მწვრთნელი იურგენ კლოპი, ბუნდესლიგის 26-ე ტურში სტუმრად "ჰანოვერის" წინააღმდეგ გამართულ მატჩს გამოეხმაურა.
"კვლავ გადარჩენისათვის ვიბრძვით. თუმცა, ამ გამარჯვების შემდეგ, სახლში შედარებით დამშვიდებულნი წავალთ. ახლა, მოვშორდით "ჭაობს" და გასავარდნი ზონისგან რვა ქულის მოშორებით ვიმყოფებით", - განაცხადა კლოპმა.
შეგახსენებთ, რომ ჩემპიონთა ლიგიდან გამოვარდნის შემდეგ, "დორტმუნდი“ HDI „ჰანოვერს“ ესტუმრა და მეტოქე ანგარიშით 3-2 დაამარცხა. "ბორუსიამ" მშვენიერი მეორე ტაიმი ჩაატარა, თუმცა ბოლო წუთებზე ბურთი გაუშვა და საკუთარი გულშემატკივარი მაინც აანერვიულა.
26 ტურის შემდეგ, დორტმუნდელთა აქტივში 33 ქულაა, რომლის ხარჯზეც "ბორუსია" ცხრილში მეათე პოზიციას იკავებს.