ლა ლიგამ "ელ კლასიკოს" ზუსტი თარიღი დაასახელა

ლა ლიგამ მიმდინარე სეზონის პირველი "ელ კლასიკოს" ზუსტი თარიღი და დრო დაასახელა. "ბარსელონა" და "რეალი" ერთმანეთს 24 ოქტომბერს დაუპირისპირდებიან. შეხვედრა თბილისის დროით 18:00-ზე გაიმართება. 

აღსანიშნავია, რომ როდესაც საქართველოში 18 საათია, ამ დროს ესპანეთში 16:00 გახლავთ, ანუ მატჩი დღისით ჩატარდება. რონალდ კუმანისთვის ეს პირველი "ელ კლასიკო" იქნება. უკანასკნელად ამ ორ გუნდს შორის მატჩი სანტიაგო ბერნაბეუზე გაიმართა და გამარჯვება(2:0) "სამეფო კლუბმა" ვინისიუს ჯუნიორის და მარიანო დიაზის გოლების წყალობით მოიპოვა.

გასული სეზონის პირველი მატჩი კი "ნოუ კამპზე" გაიმართა და ფრედ 0:0 დასრულდა. იმ დროს "ბლაუგრანას" ჯერ კიდევ ერნესტო ვალვერდე წვრთნიდა.

ბარსა და "რეალი" ლა ლიგაში მომავალ მატჩებს 17 ოქტომბერს ჩაატარებენ. "ბლანკოსი" "კადისს" უმასპინძლებს, ხოლო კატალონიელები "ხეტაფეს" ეწვევიან.