იუვენტუსი - ნაპოლი გადაიდება? - ტურინელებს ეს არ სურთ
იტალიაში კორონავირუსი კვლავ მძვინვარებს და საფეხბურთო სამყაროს პრობლემებს უქმნის. გუშინ ცნობილი გახდა, რომ ტურინის "იუვენტუსის" სტაფის ორ წევრს კოვიდ ინფექცია დაუდგინდა, მაგრამ საბედნიეროდ ფეხბურთელებს და მწვრთნელებს ტესტირების შემდეგ ყველაფერი რიგზე აქვთ.
Gruppo squadra in isolamento fiduciario https://t.co/zQlKUowlz7 pic.twitter.com/6n1nVfZT4T
— JuventusFC (@juventusfc) October 3, 2020
აღსანიშნავია, რომ ნეაპოლელთა ორ ფეხბურთელს ელიფ ელმასსა და პიოტრ ზელინსკის კორონავირუსი აქვთ. ერთი სიტყვით გუნდში არასახარბიელო სიტუაციაა და ხელმძღვანელობას ტურინში გაფრენა არ სურს.
ამ ყველაფრიდან გამომდინარე ჯენარო გატუზოს სურს, რომ თამაში გადაიდოს, რადგან ის თვლის, რომ არსებობს კოვიდ ინფექციის აფეთქების საშიშროება.
საპირისპირო აზრი აქვთ ტურინელებს. "ბებერი ქალბატონის" ტვიტერის ოფიციალურ გვერდზე ვეცნობით სიახლეს, რომ ისინი დღევანდელი მატჩისთვის მზად არიან და მინდორზე აუცილებლად გავლენ. იმ შემთხვევაში თუ "ნაპოლი" მატჩზე არ გამოცხადდება, გუნდს ტექნიკური წაგება 3:0 ჩაეთვლება. "უეფას" ახალი რეგულაციების მიხედვით კლუბს, რომელსაც 13 ჯანმრთელი ფეხბურთელი ჰყავს, ვალდებულია დაგეგმილ შეხვედრაში მონაწილეობა მიიღოს.
Juventus Football Club announces that the First Team will take to the field for the Juventus - Napoli match tomorrow at 20:45, as foreseen by the Serie A League calendar.
— JuventusFC (@juventusfcen) October 3, 2020
შეგახსენებთ, რომ "იუვენუტისისა" და "ნაპოლის" დაპირისპირება, დღეს თბილისის დროით 22:45-ზე არის ჩანიშნული. აღსანიშნავია, რომ ამ გუნდების უკანასკნელი დაპირისპირება იტალიის სუპერ თასზე შედგა, სადაც ნეაპოლელებმა ტურინელები 1:0 დაამარცხეს.