„ავტობუსს არ იმსახურებთ" - პორტუგალიური კლუბის პრეზიდენტმა გუნდს მარცხი არ აპატია
პორტუგალიის რანგით მესამე დივიზიონში, Campeonato de Portugal-ში მოასპარეზე კლუბი, „ლუშიტანია“ საფეხბურთო სამყაროს ყურადღების ცენტრში მოექცა. საქმე პორტუგალიის თასის ეგიდით გამართულ შეხვედრას ეხება, რომელიც ლურუსაში დაარსებულმა კლუბის „სან ჟოაუ დე ვერთან“ 1-0 წააგო.
„ლუშიტანიას“ პრეზიდენტი, უგო მენდეში მარცხმა განარისხა და ბრძანება გასცა, რომ გუნდის ავტობუსი ბაზაზე ფეხბურთელების, სამწვრთნელო შტაბის წევრებისა და ტექნიკური პერსონალის გარეშე დაბრუნებულიყო. მენდეშის მიხედვით, ისინი ავტობუსით მგზავრობის ღირსები არ იყვნენ.
Por ordem do presidente, o plantel do Lourosa voltou de São João de Ver a pé depois de ser eliminado da Taça de Portugal. pic.twitter.com/Uh8wbQrqQG
— B24 (@B24PT) September 27, 2020
კლუბის პირველი პირის ბრძანება შესრულდა, რის შემდეგაც „ლუშიტანიას“ წარმომადგენლები ლურუსაში ფეხით დაბრუნდნენ. მათ ზურგჩანთებით საკუთარი ეკიპირების წამოღება მოუწიათ და ფეხით დაახლოებით 5 კილომეტრი გაიარეს.
Incrível: Lourosa perde fora e presidente obriga jogadores a regressar... a péhttps://t.co/fgCSy739NP pic.twitter.com/YoXcR7lOVT
— maisfutebol (@maisfutebol) September 27, 2020
ცნობისთვის, „ლუშიტანია“ პორტუგალიის რანგით მესამე დივიზიონის D ჯგუფში გამოდის და გათამაშების პირველ ტურში სამი ქულის აღებაც მოახერხა.
