კაკაბაძე ესპანეთში დაბრუნდა: ქართველი ტენერიფეში ითამაშებს
ესპანური საფეხბურთო კლუბის, ''ტენერიფეს'' ოფიციალური ვებგვერდის ცნობით კლუბის ღირსებას ქართველი მცველი ოთარ კაკაბაძე დაიცავს, რომელმაც გასული ორი სეზონი შვეიცარიულ ''ლუცერნში'' გაატარა.
კაკაბაძის გარდა ლა ლიგა 2-ის მიმდინარე სეზონში გიორგი მაკარიძე (ალმერია), გიორგი პაპუნაშვილი (სარაგოსა) და გიორგი აბურჯანია (ოვიედო) იასპარეზებენ.
''ტენერიფეს'' ოფიციალური ვებგვერდის ცნობით კაკაბაძე კლუბში 2020-21 წლების სეზონის ბოლომდე ითამაშებს. საქართველოს ეროვნული ნაკრების ფეხბურთელი შვეიცარიულ კლუბს დაემშვიდობა და ''ტენერიფეს'' თავისუფალი აგენტის სტატუსით შეუერთდა. მხარეებს შორის ერთწლიანი კონტრაქტი გაფორმდა.
25 წლის ფეხბურთელისთვის ლა ლიგა 2 ნაცნობი საფეხბურთო ჩემპიონატია. კაკაბაძე ''ხიმნასტიკის'' ღირსებას 2016-18 წლებში იცავდა. მას ასევე უთამაშია დანიურ ''ესბიერგსა'' და თბილისის ''დინამოში''.
''ხიმნასტიკის'' მაისურით ოთარ კაკაბაძემ ლა ლიგა 2-ში 44 მატჩი ჩაატარა, 1 გოლი შეაგდო და 6 საგოლე გადაცემა შეასრულა.
2015 წლიდან მოყოლებული ოთარ კაკაბაძემ საქართველოს ეროვნულ ნაკრებში 34 მატჩი ჩაატარა.
???????? Otar Kakabadze, nuevo jugador del #CDTenerife #Bienvenido #მოგესალმებით #OtarKakabadzeBlanquiazul pic.twitter.com/ZNmv4cZZGE
— CD Tenerife (@CDTOficial) September 25, 2020
