კამავინგასთვის პსჟ და რეალი იბრძოლებენ
ესპანური გამოცემა Sport იუწყება, რომ მიმდინარე სატრანსფერო ფანჯრისას „რენის“ 17 წლის ვარსკვლავის, ედუარდო კამავინგას გასაფორმებლად „პარი სენ-ჟერმენი“ და „რეალი“ იბრძოლებენ.
როგორც ირკვევა, ამ ეტაპზე ფავორიტი „სამეფო კლუბია“. Sport-ის ცნობით, „ბლანკოსს“ შეუძლია, ფრანგულ გუნდს 55 მილიონი გირვანქა სტერლინგის ოდენობის შეთავაზება გაუკეთოს და დათმობებზე წავიდეს. მადრიდელები მზად არიან კამავინგას სანაცვლოდ თანხა გადაიხადონ, მაგრამ ახალგაზრდა ნახევარმცველი 2 წლით „რენში“ დატოვონ.
კატალონიური გაზეთის ცნობით, ფრანგებს მოვლენების ასეთი განვითარების პერსპექტივა ხიბლავთ, თუმცა კლუბებს შორის კონტაქტი ჯერ არ ყოფილა.
„პარი სენ-ჟერმენს“ რაც შეეხება, Sport და Marca იუწყებიან, რომ პსჟ მარტივად არ დანებდება და „რეალისთვის“ კონკურენციის გასაწევად მაქსიმუმს გააკეთებს. პარიზელები ეცდებიან, კამავინგა დაარწმუნონ, რომ სამშობლოში დარჩენა მისთვის საუკეთესო ვარიანტია.