ზედიზედ მეხუთედ! - ლიონმა ლიგა მოიგო და რეალის შედეგი გაიმეორა
ქალთა ჩემპიონთა ლიგის 2019-20 წლების სეზონის გამარჯვებული ფრანგული „ლიონი“ გახდა. ლიონელებმა ფინალში გერმანულ „ვოლფსბურგს“ 3:1 მოუგეს და ტურნირზე ტიტული ზედიზედ მეხუთე სეზონში მოიპოვეს.
სან სებასტიანში გამართულ ფინალურ შეხვედრაში ფრანგებმა პირველი ტაიმი ლე ზომერისა და კუმაგაის გოლებით 2:0 დაასრულეს, 58-ე წუთზე „ვოლფებმა“ ერთი ბურთი გაქვითეს, მაგრამ მეტის გაკეთება ვერ შეძლეს და ბოლო წუთებზე გუნარსდოტირისგან კიდევ ერთი გოლი მიიღეს. კუმაგაი გახდა პირველი აზიელი, რომელმაც ჩემპიონთა ლიგის ფინალში გაიტანა.
???? Congratulations, Lyon - winners of the 2020 UEFA Women's Champions League! ????#UWCLfinal #UWCL
— #UWCL (@UWCL) August 30, 2020
რაც შეეხებათ, სარა ბუჰადდისა და ვენდლი რენარს, მათ ჩემპიონთა ლიგის ფინალში მეცხრედ ითამაშეს და მამაკაცთა შორის რეკორდის ავტორებს: პაკო ხენტოსა და პაოლო მალდინის მაჩვენებელი ერთით გააუმჯობესეს.
უეფა-ს ტურნირების ეგიდით, „ლიონი“ მადრიდის „რეალის“ მამაკაცთა გუნდს გაუთანაბრდა - ესპანელებმა 1956-61 წლებში ასევე ჩემპიონთა თასზე ტიტულის მოგება ზედიზედ 5 სეზონში შეძლეს.
???? 7th UWCL title overall
— #UWCL (@UWCL) August 30, 2020
???? 5th UWCL title in a row
Incredible, @OLfeminin. ????????????#UWCLfinal #UWCL pic.twitter.com/MdT5aUKr4g
პოპულარულმა გამოცემა goal.com-მა ამ ფორმაციის „ლიონს“ ფეხბურთის ისტორიაში ერთ-ერთი უდიდესი გუნდი უწოდა.
„ლიონმა“ ჩემპიონთა ლიგა ისტორიაში მეშვიდედ მოიგო, რაც ტურნირის ყველა დროის რეკორდია. მეორე ადგილზე, 4 ჩემპიონობით ფრანკფურტის „აინტრახტია“. უეფა-ს ქალთა ჩემპიონთა ლიგა 2001-02 წლების სეზონიდან იმართება.
