ტერნერი დაბრუნდა, გოგას არ უთამაშია - ინდიანამ დალასი დაამარცხა
გოგა ბითაძემ მუხლის ტრავმის გამო „ინდიანა პეისერსის“ რიგით მეორე საკონტროლო მატჩი გამოტოვა, რომელშიც ქართველი კალათბურთელის გუნდმა „დალას მავერიქსი“ 118-111 დაამარცხა.
ბითაძეს ორლანდოში ჩასვლის შემდეგ, სრული დატვირთვით არცერთხელ უვარჯიშია და „პეისერსის“ თავკაცმა, ნეით მაკმილანმა IndyStar-თან საუბრისას განაცხადა, რომ გოგა კიდევ რამდენიმე დღე იუქმებს.
ქართველი ცენტრის გარდა, „დალასთან“ შეხვედრა საბონისმა და ლემბმაც გამოტოვეს. სამაგიეროდ, „პეისერსს“ ერთ-ერთი ლიდერი, მაილს ტერნერი დაუბრუნდა, რომელმაც პარკეტზე 24 წუთზე ოდნავ მეტი გაატარა და 15 ქულასთან ერთად, 8 მოხსნა, 3 შედეგიანი გადაცემა და 2 დაფარება გაიფორმა.
oops ???? pic.twitter.com/S1KY7HHFdk
— Indiana Pacers (@Pacers) July 26, 2020
„ინდიანას“ რიგებში 20 ქულითა და 6 მოხსნით საუკეთესო ტი ჯეი უორენი იყო. მალკოლმ ბროგდონმა აქტივში 17 ქულა, 7 მოხსნა და 6 ასისტი ჩაიწერა, ხოლო ვიქტორ ოლადიპო 16 ქულითა და 7 მოხსნით გამოირჩა.
2️⃣0️⃣ point night from @TonyWarrenJr ???? pic.twitter.com/07lr0oHgD2
— Indiana Pacers (@Pacers) July 26, 2020
„ინდიანა“ რესტარტამდე კიდევ ერთ საკონტროლო შეხვედრას გამართავს და 29 ივლისს „სან ანტონიოს“ დაუპირისპირდება. „პეისერსი“ სეზონს 2 აგვისტოს, „ფილადელფიასთან“ ჯახით განაახლებს.
