29-1-ზე - NBA 22 გუნდით გვიბრუნდება
ადრიან ვოინაროვსკისა და შემს ჩარანიას ინფორმაციით, NBA-ის გუნდების მფლობელებმა მხარი დაუჭირეს ლიგის მიერ შემუშავებულ გეგმას, რომლის მიხედვითაც, სეზონის განახლების შემდეგ იმოქმედებენ.
The NBA’s Board of Governors has voted to approve the league’s 22-team format to restart the 2019-2020 season in Orlando, source tells ESPN.
— Adrian Wojnarowski (@wojespn) June 4, 2020
გეგმის მიხედვით, გუნდები სავარჯიშო კემპს 30 ივნისს გახსნიან და 7 ივლისს ორლანდოში გაემგზავრებიან. 2019-20 წლების სეზონი 31 ივლისს განახლდება, ხოლო თავისუფალი აგენტების ბაზარი 18 ოქტომბერს დაიწყება.
Sources: The NBA informed the Board of Governors of scheduled dates:
— Shams Charania (@ShamsCharania) June 4, 2020
- Training camp: June 30, July 7 travel to Orlando
- 2019-20 season: July 31
- Free agency: Oct. 18
- 2020-21 targets: Nov. 10 training camp, Dec. 1 opening night (can remain fluid)
პარკეტზე დასავლეთ კონფერენციის 13 და აღმოსავლეთ კონფერენციის 9 გუნდი დაბრუნდება. ისინი რეგულარული სეზონის 8 შეხვედრას გამართავენ, რის შემდეგაც გაირკვევა პლეიოფებამდე play-in ტურნირი უნდა ჩატარდეს თუ არა.
თუ მე-8 და მე-9 ადგილოსან გუნდებს შორის მოგებათა ბალანსში სხვაობა 4-ზე ნაკლები იქნება, მაშინ play-in ტურნირს ვიხილავთ. სხვა შემთხვევაში, მე-8 პოზიციაზე მყოფი გუნდი პირდაპირ პლეიოფში ითამაშებს.
დასავლეთ კონფერენციაში საუკეთესო 8 გუნდს „ნიუ ორლეანი“, „პორტლენდი“, „სან ანტონიო“, „საკრამენტო“ და „ფინიქსი“ დაემატებიან, ხოლო აღმოსავლეთ კონფერენციაში შანსი „ვაშინგტონ უიზარდსს“ მიეცემა.