"ახალი გუნდი 3 დღეში..." - საულმა მოულოდნელად წასვლა დაანონსა

მადრიდის „ატლეტიკოს“ ესპანელმა ნახევარმცველმა საულ ნიგესმა მოულოდნელად საკუთარი „ტვიტერის“ გვერდზე გუნდიდან წასვლა დაანონსა.

„მინდა, რომ თქვენ რაღაც მნიშვნელოვანი შეგატყობინოთ. ახალი გუნდი 3 დღეში...“ - დაწერა საულმა.

???? COMUNICADO ????

Os quería comunicar algo importante para mí. pic.twitter.com/ptEAD8falU

— Saúl Ñiguez (@saulniguez) May 31, 2020

25 წლის ფეხბურთელს „როხიბლანკოსთან“ კონტრაქტი 2026 წელს ეწურება და მისი გამოსასყიდი 150 მილიონია. აქედან გამომდინარე და კორონავირუსის შედეგად ფინანსური კრიზისის ჩათვლით, ნიგესის ტრანსფერი საკმაოდ მოულოდნელი რამ გახლავთ.

არსებობს 2 ვერსია - „მანჩესტერ სიტი“ და „მანჩესტერ იუნაიტედი“, რომელბიც საულის მიმართ ყველაზე დიდ ინტერესს იჩენდნენ, თუმცა გადაჭრით რაიმეს თქმა ამ ეტაპზე რთულია. უმჯობესია 3 დღე მოვიცადოთ...

შეგახსენებთ, რომ ნიგესი „ატლეტიკოს“ რიგებში 2012 წლიდან ასპარეზობს. ესპანელმა უნივერსალმა 286 შეხვედრაში მის ანგარიშზე 38 გოლი და 18 საგოლე გადაცემაა.