''მიყვარს ქინქლაძის გოლი, მაგრამ მისი ადგილი აქ არაა'' - კარაგერი სიტის ქართველ ლეგენდაზე
Twitter-ში ''ლივერპულის'' ლეგენდამ ჯეიმი კარაგერიმ გამომწერებს სიმბოლური ნაკრების გაკეთება შესთავაზა. ფეხბურთის ქომაგებს უნდა შეედგინათ თერთმეტეული, რომელშიც ერთი ქვეყნის მხოლოდ ერთი წარმომადგენელი იქნებოდა. გარდა ამისა, სიმბოლურ გუნდში ერთ გუნდში ნათამაშები ფეხბურთელები არ უნდა ყოფილიყვნენ.
ფეხბურთის გულშემატკივარმა დენი ფრენდმა შეტევის ხაზში ლიონელ მესისთან და კილიან მბაპესთან ერთად ''მანჩესტერ სიტის'' ქართველი ლეგენდა გიორგი ქინქლაძე შეიყვანა.
გულშემატკივარს ჯეიმი კარაგერიმ უპასუხა: ''გამოკითხვის წესებით ეს შესანიშნავი შემადგენლობაა, მაგრამ ქინქლაძე ? ნამდვილად ?! მე მიყვარს მის მიერ გატანილი გოლი ''საუთჰემპტონთან,'' მაგრამ ის არ უნდა იყოს მსოფლიოს სიმბოლურ გუნდში !''
It’s fine by the rules I think but Kinkladze? Really?!! I loved that goal for Man City v Southampton but he shouldn’t be making World 11’s!!
— Jamie Carragher (@Carra23) April 19, 2020
კარაგერიმ სიმბოლური გუნდის თავის ვერსიაში შემდეგი ფეხბურთელები შეიყვანა: საუთჰოლი, ლამი, ბარეზი, კომპანი, რობერტო კარლოსი, როი კინი, ჯერარდი, ნედვედი, მესი, დროგბა, მბაპე
Get sent this last night & it’s tough!
— Jamie Carragher (@Carra23) April 14, 2020
Best World XI that have played while you have been alive.
No 2 players can be from the same country or have played for the same club!!
This is mine. pic.twitter.com/coZCaf89HL
შეგახსენებთ, 1995-96 წლებში გიორგი ქინქლაძე პრემიერ ლიგაში ''მანჩესტერ სიტის'' მაისურით თამაშობდა და ''საუთჰემპტონს'' საოცარი რეიდის შემდეგ ბრწყინვალე გოლი გაუტანა. ''ლივერპულის'' ლეგენდა სწორედ აღნიშნულ გოლს გულისხმობდა.