უეფამ ჩემპიონთა ლიგისა და ევროპა ლიგის ყველა მატჩი გადადო
უეფას ოფიციალური განცხადების მიხედვით შემდეგ კვირაში დაგეგმილი ჩემპიონთა ლიგისა და ევროპა ლიგის მატჩები გაურკვეველი დროით გადადებულია.
18 მარტს ჩემპიონთა ლიგის ფლეი-ოფში ''იუვენტუსი'' - ''ლიონისა'' და ''მან. სიტი'' - ''რეალის'' დაპირისპირებები უნდა შემდგარიყო, ხოლო 19 მარტს ''ბაიერნს'' ''ჩელსისთვის'' უნდა ემასპინძლა და ''ბარსელონას'' - ''ნაპოლისთვის.'' აღნიშნული მატჩები გაურკვეველი დროით გადადებულია.
ანალოგიურად გადადებულია ევროპა ლიგის ფლეი-ოფის მატჩები: ''ხეტაფე'' - ''ინტერი,'' ''შახტარი'' - ''ვოლფსბურგი,'' ''ლევერკუზენი'' - ''რეინჯერსი,'' ''ვულვზი'' - ''ოლიმპიაკოსი,'' ''მანჩესტერ იუნაიტედი'' - ლასკ, ''ბაზელი'' - ''აინტრახტი,'' ''რომა'' - ''სევილია,'' ''კოპენჰაგენი'' - ''ბაშაქშეჰირი.''
აღნიშნული მატჩები საპასუხოა. გასულ კვირაში ''სევილია'' - ''რომასა'' და ''ინტერი'' - ''ხეტაფეს'' პირველი შეხვედრებიც გადაიდო.
უეფას ოფიციალური ვებგვერდის ცნობით უეფას ახალგაზრდული ლიგის მატჩებიც გადაიდო.