ხარაიშვილმა სეზონის პირველივე მატჩში გაიტანა
საქართველოს ეროვნული ნაკრების ფეხბურთელმა გიორგი ხარაიშვილმა სეზონის პირველივე მატჩში გოლი გაიტანა. შვედეთის თასის 2020 წლის სეზონის პირველ რაუნდში ''გიოტებორგმა'' ''ვესტეროსი'' 2:0 დაამარცხა. ანგარიში მე-12 წუთზე გიორგი ხარაიშვილმა გახსნა.
23 წლის ნახევარმცველი შვედურ კლუბში მესამე სეზონს იწყებს. ხარაიშვილი როგორც ''გიოტებორგის,'' ასევე ზოგადად შვედეთის ჩემპიონატის ერთ-ერთი გამორჩეული ფეხბურთელია. მის ტრანსფერთან დაკავშირებით დიდი მოლოდინია და შესაძლოა ზაფხულში ხარაიშვილი უფრო მაღალი დონის ჩემპიონატსა და კლუბში ვიხილოთ. ამ თემაზე ფეხბურთელმა CrystalSport-თან გასულ თვეში ისაუბრა.
გასულ სეზონში ''საბურთალოს'' აღზრდილმა შვედეთის უმაღლეს ლიგაში 28 მატჩში 7 გოლი შეაგდო და 8 საგოლე გადაცემა შეასრულა.