შეუჩერებელი შენგელია! ჩატენვა ბოლო წამებზე და ბრწყინვალე გამარჯვება ''რეალთან''!
ქართველი კალათბურთელი თორნიკე შენგელია ბრწყინვალე სეზონს ატარებს. ესპანეთის ჩემპიონატის მე-18 ტურში ''ბასკონიამ'' სტუმრად მადრიდის ''რეალი'' 95:94 დაამარცხა. ქართველის როლი სტუმართა გამარჯვებაში უდიდესია. მან 40 წუთი შეუცვლელად ითამაშა, მის ანგარიშზე 16 ქულა, 4 მოხსნა, 1 პასი და 1 ჩაჭრაა.
მატჩის დასრულებამდე 25 წამით ადრე ანგარიში 91:91 იყო, დარჩენილ დროში შენგელიამ ბრწყინვალე სლემ-დანქი შემოგვთავაზა, შემდეგ კი შენგელიას წინააღმდეგ თამაშისას მასპინძლები დაჯარიმდნენ, ქართველმა ორივე შანსი გამოიყენა და ანგარიში 91:95 გახდა. დარჩენილ წამებში სერხიო ლულმა სამქულიანი ჩააგდო და გამარჯვება ''ბასკონიას'' დარჩა.
⚒️ ¡¡QUEREMOS MÁS!! ????@TokoShengelia23 ????
— Saski Baskonia (@Baskonia) January 19, 2020
¡El jueves la batalla la jugamos en casa ???? @Khimkibasket ! https://t.co/u82sComipC pic.twitter.com/ixRzFV6xYG
მიმდინარე სეზონში შენგელიას გუნდმა მეცხრე გამარჯვება მოიპოვა და ამდენივე მარცხი განიცადა. ''ბასკონია'' სატურნირო ცხრილში მეათე პოზიციაზეა. შემდეგ მატჩს შენგელიას გუნდი ''მორაბანკ ანდორასთან'' 26 იანვარს გამართავს.