ოფიციალურად: გვარდიოლამ "სიტიში" კიდევ ერთი ტრანსფერი განახორციელა
ხოსეპ გვარდიოლას თავოსნობით "მანჩესტერ სიტიმ" მორიგი ტრანსფერი გაჩარხა.
"ქალაქელებმა" რუსული "უფა"-დან ახალგაზრდა ტალანტი, ამპლუით ნახევარმცველი ოლექსანდრ ზინჩენკო შეიძინეს.
19 წლის ზინჩენკო უკრაინელი გახლავთ და ამ ქვეყნის ნაკრების რიგებში "ევრო 2016"-ის სამივე მატჩში მიიღო მონაწილეობა.
იგი დონეცკის "შახტარის" სკოლის აღზრდილია და ამ გუნდში 2013-2014 წლების სეზონში ირიცხებოდა (თამაში არ ჩაუტარებია), რის შემდეგაც ხსენებულ "უფა"-ს მიაშურა.
შეგახსენებთ, რომ ზინჩენკოს გარდა მანჩესტერელებმა ილქაი გიუნდოგანი, აარონ მოი და ნოლიტო გადმოიბირეს.