პოდოლსკი თურქეთში ბრუნდება
გერმანიის ეროვნული ნაკრების ყოფილმა ფეხბურთელმა ლუკაშ პოდოლსკიმ იაპონური ‘‘ვისელ კობე’’ დატოვა. 34 წლის შემტევი თურქულ ‘‘ანთალიასპორს’’ შეუთანხმდა და მზადაა კარიერა სუპერლიგის აუტსაიდერში გააგრძელოს.
Goal.com-ის ცნობით მოთამაშე კლუბთან 18-თვიან კონტრაქტს გააფორმებს. იაპონიაში წასვლამდე პოდოლსკი თურქეთში თამაშობდა, ‘‘გალას’’ ღირსებას 2015-17 წლებში იცავდა.
2014 წლის მსოფლიოს ჩემპიონი ‘‘კიოლნში,’’ მიუნხენის ‘‘ბაიერნში,’’ ლონდონის ‘‘არსენალსა’’ და მილანის ‘‘ინტერში’’ ასპარეზობდა.