NBA-ში დეროუზენი და რიჩარდსონი გამოარჩიეს
გამთენიისას ნაციონალურ საკალათბურთო ასოაციაციაში გასული კვირის საუკეთესო მოთამაშეები დაასახელეს.
დასავლეთ კონფერენციაში NBA-მ დემარ დეროუზენი გამოარჩია. 30 წლის მსროლელმა მცველმა „სპურსს“ 4-დან 3 შეხვედრა მოაგებინა და საშუალოდ 29.3 ქულას, 6.5 მოხსნას, 6 შედეგიან გადაცემას და 1 ჩაჭრას აგროვებდა.
Leading the @spurs to a 3-1 record during Week 12, @DeMar_DeRozan was named Western Conference Player of the Week! #GoSpursGo
— NBA (@NBA) January 13, 2020
29.3 PPG | 6.5 RPG | 6.0 APG | 62.9 FG% pic.twitter.com/p3PGQO8ESI
დეროუზენის ბრწყინვალე ასპარეზობის წყალობით ტექსასელებმა „მილუოკი“, „ბოსტონი“ და „ტორონტო“ დაამარცხეს, ხოლო „მემფისთან“ განცდილ მარცხში, დემარი 36 ქულით თავის გუნდში საუკეთესო გახლდათ.
აღმოსავლეთ კონფერენციას რაც შეეხება, აქ NBA-ის რჩეული „ფილადელფიას“ მსროლელი მცველი, ჯოშ რიჩარდსონი გახდა. გასულ კვირაში „სიქსერსმა“ 3-დან ორი შეხვედრა მოიგო, „ჯეი რიჩი“ კი საშუალოდ 22.7 ქულას, 2.3 მოხსნასა და 3.7 შედეგიან გადაცემას აგროვებდა.
Guiding the @sixers to a 2-1 record during Week 12, @J_Rich1 was named Eastern Conference Player of the Week! #PhilaUnite
— NBA (@NBA) January 13, 2020
22.7 PPG | 2.3 RPG | 3.7 APG pic.twitter.com/i7IcepicHV
აღსანიშნავია, რომ მიმდინარე რეგულარულში დეროუზენი და რიჩარდსონი კვირის საუკეთესო მოთამაშეები პირველად გახდნენ.
