არდადეგები სამშობლოში - მესი შვებულების გასატარებლად როსარიოში ჩავიდა
ლიონელ მესი როსარიოს აეროპორტში ფოტორეპორტიორებმა დააფიქსირეს. არგენტინელი სუპერვარსკვლავი მშობლიურ ქალაქში საშობაო არდადეგების გასატარებლად ჩავიდა.
როგორც მადრიდული AS-ი გვამცნობს, "ბარსას" კაპიტანი მეუღლე ანტონელასა და 3 შვილის გარდა, ლუის სუარესსა და მის ოჯახთან ერთად იმყოფება. "ბარსას" ორი მთავარი ვარსკვლავის ახლო მეგობრობის შესახებ კარგადაა ცნობილი.
Acaba de arribar al @AIR_Rosario el Gulfstream G550 EC-KUM que trajo a Messi y a @LuisSuarez9 !
— SAAR AIR ROS (@RosarioSpotters) December 22, 2019
Luego vamos a subir las demás imágenes y videos a nuestra página de Facebook, Instagram y Youtube!
.
Luis pic.twitter.com/xd5baXtiKz
იმის მიუხედავად, რომ ერნესტო ვალვერდე "ბარსას" ფეხბურთელთა დიდ ნაწილს 29 დეკემბერს შეკრებს, მესი საწვრთნელ პროცესს 2 იანვარს დაუბრუნდება და ლა ლიგის ეგიდით "ესპანიოლთან" 4 იანვარს გასამართი მატჩისთვის მზადებას შეუდგება.
ლიონელ მესიმ 2019-20 წლების სეზონის პირველ ნაწილში, ლა ლიგასა და ჩემპიონთა ლიგაზე, ჯამში 18 თამაში ჩაატარა და მეტოქეთა კარი 15-ჯერ აიღო.
მისი გუნდი ესპანეთის ჩემპიონატს 2-ქულიანი უპირატესობით ლიდერობს, თავად მესი კი, 13 გოლით, ტურნირის საუკეთესო ბომბარდირია. კატალონიელები ჩემპიონთა ლიგის 1/8 ფინალში იტალიურ "ნაპოლის" შეხვდებიან.
