იკერ კასილიასი: მე წავედი...

"პორტუსა" და ესპანეთის ნაკრების მეკარემ, იკერ კასილიასმა სანაკრებო კარიერა დასრულებულად გამოაცხადა. მან ამის შესახებ საკუთარ "ტვიტერის" გვერდზე დაწერა და გულშემატკივარს რემბოს ფრაზით, "არვ ვიცი სად, მაგრამ მე მივდივარ", დაემშვიდობა.

კასილიასი "ფურია როხას" კარს 16 წლის მანძილზე, 2000 წლიდან იცავდა და მისი მაისურით 167 შეხვედრაში მიიღო მონაწილეობა. იკერს ნაკრებთან ერთად მსოფლიოს 2010 წლის ჩემპიონატი და ევროპის 2008 და 2012 წლების ჩემპიონატები აქვს მოგებული.