არიედო ბრაიდა: "მასკერანოს მომავალი გარკვეულია"!

კატალონიური "ბარსელონას" სპორტული დირექტორი არიდეო ბრაიდა, კლუბის არგენიტელი ფეხბურთელის, ხავიერ მასკერანოს შესახებ საუბრობს:

"დანამდვილებით შემიძლია გითხრათ, რომ მასკერანო შემდეგ სეზონში "იუვენტუსში" არ ითამაშებს! როგორც ვიცი, მისი გეგმები მხოლოდ "ბარსელონასთან" ასოცირდება". - ლაკონურად მოუჭრა იტალიური RAI-ს რეპორტიორს ბრაიდამ. 

ეს ყველაფერი ნიშნავს, რომ აგვისტოში 32 წლის არგენტინელი "ბარსელონას" რიგებში ზედიზედ მე-7 სეზონს დაიწყებს.