მანჩესტერ იუნაიტედი 2:1 ტოტენჰემი - მოურინიო "ოლდ ტრაფორდზე" დამარცხდა (VIDEO)
პრემიერლიგის მე-15 ტურში „მანჩესტერ იუნაიტედმა“ ჟოზე მოურინიოს „ტოტენჰემს“ უმასპინძლა და 2:1 დაამარცხა.
მოურინიოს გუნდს წინა მატჩებისგან განსხვავებით „ოლდ ტრაფორდზე“ მორიდება ეტყობოდა და მათ თამაშში ნაკლები სითამამე იყო. საპირისპიროდ, აგრესიული და აქტიური იყო სულშერის გუნდი.
ანგარიში მე-6 წუთზე მარკუს რაშფორდის ჭვიანური დარტყმითა და გაზანიგას არადამაჯერებელი თამაშის შედეგად გაიხსნა.
39-ე წუთზე დელე ალიმ საჯარიმოში ჩინებული მოძრაობით მცველები ჩამოიტოვა და დე ხეას აჯობა - 1:1.
„მანკუნიანელებმა“ „დეზებს“ გოლი მეორე ტაიმის სტარტზევე გაატანეს. 49-ე წუთზე რაშფორდმა მისი წაქცევისთვის დანიშნული პენალტი გოლად აქცია - 2:1.
მეორე ნახევარში „ტოტენჰემმა“ ის უპირატესობა ვერ მოიპოვა, რომელიც მატჩს გადაარჩენდა. საბოლოოდ, „წითელმა ეშმაკებმა“ დამსახურებული 3 ქულა მოიპოვეს.