შერმადინის ბრწყინვალე მატჩი - „იბეროსტარ ტენერიფემ" „ბამბერგი" დაამარცხა
გიორგი შერმადინის "იბეროსტარ ტენერიფემ" ჩემპიონთა ლიგის ჯგუფურ ეტაპზე მორიგი შეხვედრა გამართა და საკუთარ კედლებში გერმანულ "ბამბერგს" შეერკინა.
ქართველი ცენტრის გუნდი ფავორიტი გახლდათ და სტატუსი გაამართლა. ესპანელებმა მეტოქეს შანსი არ დაუტოვეს და 82-64 სძლიეს.
???? @CB1939Canarias extend their perfect start to the campaign to seven wins in a row! #BasketballCL
— Basketball Champions League (@BasketballCL) December 3, 2019
???? https://t.co/EpokSBI8qx pic.twitter.com/DPxhPSkPCv
"იბეროსტარ ტენერიფეს" წარმატებაში დიდი წვლილი გიორგი შერმადინმა შეიტანა, რომელიც თავის გუნდში საუკეთესო იყო. "შერმინატორმა" პარკეტზე 23 წუთი და 59 წამი გაატარა და აქტივში 19 ქულა, 5 მოხსნა და 1 ჩაჭრა ჩაიწერა. გიომ 12-დან 8 ორქულიანი და 3-დან 3 საჯარიმო ჩააგდო. შერმადინმა ბურთი 4-ჯერ დაკარგა, 1 პერსონალური ფოლი მიიღო და +/- -ის გრაფაში +21 დააფიქსირა.
???? @CB1939Canarias' SHERMINATOR ????#BasketballCL pic.twitter.com/ii1jS1JUGz
— Basketball Champions League (@BasketballCL) December 3, 2019
ქართველი კალათბურთელის გარდა ესპანური გუნდის რიგებში 15-15 ქულით გაბრიელ ლუნდბერგი და სასუ სალინი გამოირჩნენ. ტომაშ გიელომ კი შეხვედრა 10 ქულით დაასრულა.
It's not a #BasketballCL day until a Marcelinho-Shermadini alley-oop happens! ????
— Basketball Champions League (@BasketballCL) December 3, 2019
???? https://t.co/vnvxUNcs0Y@Huertas09 @CB1939Canarias pic.twitter.com/xczj4eTFNj
"ბამბერგთან" მოპოვებული გამარჯვების შემდეგ, "იბეროსტარ ტენერიფეს" ანგარიშზე 7 მოგება და 0 წაგებაა. ესპანელები ჯგუფს ერთპიროვნულად ლიდერობენ და მომდევნო მატჩში 10 დეკემბერს, სტუმრად "ნიჟნი ნოვგოროდს" გაეჯიბრებიან.