16 მიზეზი - რატომ იმსახურებდა მესი ოქროს ბურთს
კატალონიის „ბარსელონამ“ თავის ოფიციალურ ვებგვერდზე ის 16 მიზეზი დაასახელა, რომელთა გამოც ლიონელ მესი ოქროს ბურთის მოგებას იმსახურებდა.
1 – The Best-ის ჯილდო პირველად მოიგო
სექტემბერში ლიონელ მესიმ ვირჯილ ვან დეიკს და კრიშტიანუ რონალდუს აჯობა და Fifa-ს The Best-ის დაჯილდოების გამარჯვებული გახდა. არგენტინელი განახლებული ფორმატით ჩატარებულ დაჯილდოებაზე პირველად გამოარჩიეს.
Lionel Messi in 2019:
— B/R Football (@brfootball) December 3, 2019
—10th Spanish league title
—A record-sixth European Golden Shoe
—Pichichi number six
—FIFA's The Best award
—First player to win six Ballons d'Or
???? pic.twitter.com/aHohjmbZr8
2 – „ბარსას“ ლა ლიგა მოაგებინა
2018-19 წელს მესიმ „ბარსელონას“ ლა ლიგა მოაგებინა, რაც მისთვის კარიერაში 34-ე ტიტული აღმოჩნდა. ამ მაჩვენებლით ლეო „ბარსას“ ისტორიაში საუკეთესოა. მან ლა ლიგა 10-ჯერ დაისაკუთრა და პაკო ხენტოს რეკორდს მხოლოდ 2 ჩემპიონობით ჩამორჩება. გარდა ამისა, მესიმ გუნდი კოპა დელ რეის ფინალში და ჩემპიონთა ლიგის ნახევარფინალში გაიყვანა.
3 - მეექვსე „პიჩიჩი“
2018-19 წლების სეზონში მესიმ ესპანეთის უმაღლეს დივიზიონში ჩატარებულ 34 შეხვედრაში 36 გოლი შეაგდო. ლეო „პიჩიჩის“ ჯილდოს მფლობელი ზედიზედ მესამედ, სულ კი მეექვსედ გახდა და ტელმო სარას გაუთანაბრდა.
4 - მეექვსე „ოქროს ბურთი“
ლა ლიგაში გატანილი 36 გოლით მესი ევროპის ტოპ 5 ჩემპიონატის საუკეთესო ბომბარდირი გახდა. მესიმ 72 ქულა დააგროვა და „ოქროს ბუცის“ მფლობელი ზედიზედ მესამედ, სულ კი მეექვსედ გახდა.
5 – 2018-19 წლის ჩემპიონთა ლიგის საუკეთესო ბომბარდირი
მესიმ ევროპული ფეხბურთის ყველაზე პრესტიჟულ ტურნირზე მეტოქეთა კარი 10 მატჩში 12-ჯერ აიღო. „ლივერპულის“ წინააღმდეგ გატანილი ჯარიმა კი ჩემპიონთა ლიგის გასული გათამაშების საუკეთესო გოლად დაასახელეს.
6 - ლა ლიგის ლიდერი საგოლე გადაცემებით
2018-19 წლების სეზონში მესი საუკეთესო არამხოლოდ გატანილი გოლებით, არამედ საგოლე გადაცემებითაც იყო. მან თანაგუნდელებს 13-ჯერ გაატანინა. ამდენივე შედეგიანი პასი მხოლოდ პაბლო სარაბიამ გაიფორმა.
7 - საოცარი რიცხვები
2019 წელს ლეომ 44 შეხვედრაში 41 გოლი შეაგდო და მხოლოდ რობერტ ლევანდოვსკის ჩამორჩება. გარდა ამისა, მესიმ 15 საგოლე გადაცემა მიითვალა. ლეომ ჰეთ-თრიქი 3-ჯერ, ხოლო დუბლი 7-ჯერ შეასრულა.
8 - ფეხბურთელი, რომელმაც ჩემპიონთა ლიგაზე ყველაზე მეტ გუნდს გაუტანა
„ბარსელონას“ მაისურით ჩატარებულ მე-700 მატჩში მესიმ „დორტმუნდის“ კარი აიღო და პირველი ფეხბურთელი გახდა, რომელმაც ჩემპიონთა ლიგაზე 34 გუნდს გაუტანა.
⭐ A NEW RECORD for Leo #Messi ⭐
— FC Barcelona (@FCBarcelona) November 27, 2019
⚽ against 3️⃣4️⃣ different teams!
????The MOST EVER in the UEFA @ChampionsLeague!???? pic.twitter.com/PeC7oMV3bD
9 – 50-ე ჯარიმა კარიერაში
ოქტომბერში მესიმ საჯარიმო დარტყმით „ვალიადოლიდის“ კარი დალაშქრა. ამჟამად ლეოს 52 ჯარიმა აქვს გატანილი. 46 „ბარსაში“, 6 არგენტინის ნაკრებში.
10 – 600-ზე მეტი გოლი „ბარსაში“
614 გოლით მესი „ბარსელონას“ ყველა დროის საუკეთესო ბომბარდირია.
11 - ლა ლიგის ლიდერი ჰეთ-თრიქების რაოდენობით
ოქტომბერში მესიმ „სელტას“ სამი გოლი გაუტანა და ლა-ლიგაში გაფორმებული ჰეთ-თრიქების რაოდენობით რეკორდსმენ კრიშტიანუ რონალდუს გაუთანაბრდა.
12 – 700-ზე მეტი მატჩი „ბარსელონას“ მაისურით
მესის „ბარსას“ რიგებში 701 შეხვედრა აქვს ჩატარებული და მხოლოდ ჩავის ჩამორჩება, რომელიც თავს 767 მატჩით იწონებს.
13 - კოპა ამერიკის ბრინჯაო
არგენტინას კოპა ამერიკა არ მოუგია, მაგრამ მესიმ ტურნირი მედლის გარეშე მაინც არ დატოვა. „ალბისელესტემ“ მესამე ადგილისთვის ბრძოლაში ჩილე დაამარცხა და ბრინჯაოს დაეუფლა.
14 - ყველაზე მეტი გამარჯვება ლა ლიგაში
მესიმ იკერ კასილიასის რეკორდი გააუმჯობესა და გახდა ფეხბურთელი, რომელსაც ლა ლიგაში ყველაზე მეტი გამარჯვება აქვს. ლეომ ესპანეთის უმაღლეს დივიზიონში 346 მატჩი მოიგო.
15 – გამარჯვებების რეკორდი "ბარსელონაში"
ყველა ტურნირის ეგიდით მესის 496 შეხვედრა აქვს მოგებული. წლეულს მან ჩავის გადაუსწრო და „ბარსას“ რეკორდსმენი გახდა.
16 - სტაბილური ასპარეზობა
მესი საოცარი სტაბილურობით გამოირჩევა. მისი პირველი ოქროს ბურთიდან 10 წელია გასული და ამ პრესტიჟული ჯილდოს მეექვსედ დასაკუთრებას ნამდვილად იმსახურებს.