შეუდარებელი ლუკა დონჩიჩი - სლოვენიელმა კიდევ ერთხელ გაიბრწყინა
„დალას მავერიქსის“ მსუბუქმა ფორვარდმა, ლუკა დონჩიჩმა „ჰიუსტონ როქეთსთან“ მატჩში საკალათბურთო სამყარო კიდევ ერთხელ გააოცა. 20 წლის სლოვენიელმა ლეგენდარული ოსკარ რობერტსონის მიღწევა გაიმეორა და იმდენი მოახერხა, რომ ჯეიმს ჰარდენის, რასელ უესტბრუკისა და მაიკლ ჯორდანის ტრიოს შეუერთდა.
„ჰიუსტონთან“ მოგებულ შეხვედრაში ლუკამ პარკეტზე 34 წუთი და 26 წამი გაატარა და აქტივში 41 ქულა, 10 პასი და 6 მოხსნა ჩაიწერა. შედეგად 20 წლის სლოვენიელი ABA-სა და NBA-ის გაერთიანების შემდეგ მეოთხე კალათბურთელი გახდა, რომელმაც მინიმუმ 30 ქულა და 10 შედეგიანი გადაცემა ზედიზედ ოთხ შეხვედრაში გაიფორმა. გარდა ამისა დონჩიჩი ოსკარ რობერტსონის გარდა ერთადერთი კალათბურთელია, რომელიც სეზონის საწყისი 16 მატჩის შემდეგ საშუალოდ 30 ქულაზე, 10 მოხსნაზე და 9 პასზე მეტს აგროვებს.
Luka Doncic is now averaging 30.6 PPG, 10.1 RPG and 9.8 APG through the first 16 games of the season. The only other player in @NBAHistory to average 30+ points, 10+ rebounds and 9+ assists through the first 16 games of a season is Oscar Robertson in 1961-62. pic.twitter.com/TQCrpl93Gh
— NBA.com/Stats (@nbastats) November 25, 2019
აქვე გეტყვით, რომ „დალას მავერიქსი“ 11 მოგებითა და 5 მარცხით დასავლეთ კონფერენციის მეოთხე ადგილს იკავებს. რიკ კარლაილის გუნდს მომდევნო შეხვედრაში ურთულესი გამოცდის ჩაბარება მოუწევს. 27 ნოემბერს დონჩიჩი და კომპანია კავაი ლეონარდისა და პოლ ჯორჯის „კლიპერსს“ დაუპირისპირდება.