შერმადინს ვერ აჩერებენ! მორიგი ორმაგი დუბლი, მატჩის MVP და გამარჯვება!
ესპანეთის ჩემპიონატში გიორგი შერმადინის „ტენერიფემ“ საკუთარ კედლებში „ბეტისს“ უმასპინძლა და 94:89 დაამარცხა.
კვლავ ბრწყინვალე იყო 30 წლის ქართველი ცენტრი, რომელმაც პარკეტზე 31:57 წუთი გაატარა. მისი მონაგარი 24 ქულა, 11 მოხსნა, 2 გადაცემა და 1 ჩაჭრა იყო.
შერმადინმა ორმაგი დუბლი შეასრულა და მორიგი დიდებული პერფორმანსი შემოგვთავაზა. მისი მარგი ქმედების კოეფიციენტი 35 იყო და რა თქმა უნდა მატჩის MVP-იც სწორედ ქართველი გახდა.
???? @gioshermadini fue el MVP aurinegro en el triunfo de hoy ante el @RealBetisBasket
— Iberostar Tenerife (@CB1939Canarias) November 24, 2019
???? 24 ptos (6/11 en T2 y 12/15 en TL)
???? 11 rebotes (8+3)
???? 2 asistencias
???? 1 robo
???? +/- ➡️ +13
???????? ¡¡ 35 de valoración !! pic.twitter.com/548omyygr6
11-დან 6 ზუსტი ორქულიანი, 15-დან 12 საჯარიმო, 2 დაკარგვა, 2 ფოლი და რაც მთავარია შერმადინის წინააღმდეგ თამაშისას მეტოქე გუნდის კალათბურთელები 11-ჯერ დაჯარიმდნენ.
მოსალოდნელია, რომ ტურის დარჩენილ შეხვედრებში მის მაჩვენებელს სხვა ვერავინ გააუმჯობესებს და ასეთ შემთხვევაში შერმადინი ტურის MVP-ის წოდებასაც მიიღებს.
„ტენერიფეს“ 10 ტურის შემდეგ 6 მოგება დაუგროვდა და სატურნირო ცხრილში მე-4 პოზიციაზე იმყოფებიან. მომდევნო ტურში მათი მეტოქე „ბარსელონა“ (სტუმრად) იქნება.