NBA - კავაისა და ჯორჯის დუეტმა "ბოსტონს" სძლია - „სან ანტონიო“ კრიზისშია
"კლიპერსის" კალათბურთელებმა პოლ ჯორჯმა და კავაი ლეონარდმა ერთმანეთის მხარდამხარ პირველად იასპარეზეს. ლოს-ანჯელესელთა სუპერდუეტი აღმოსავლეთ კონფერენციის ლიდერის, "ბოსტონ სელთიქსის" წინააღმდეგ ამოქმედდა და მეტოქის დასამარცხებლად ოვერტაიმი დასჭირდა.
OH ME, OH MY, KAWHI. @kawhileonard | #ClipperNation pic.twitter.com/2hulJvsRsN
— LA Clippers (@LAClippers) November 21, 2019
მატჩის პერიპეტიებიდან გამომდინარე დამატებითი ხუთწუთეული დიდი მოულოდნელობა არ ყოფილა. შეხვედრა ქულა ქულაში წარიმართა და საფინალო სირენის შემდეგ ანგარიში თანაბარი გახლდათ - 97-97. ოვერტაიმში პირველი ქულები „კელტებმა“ აიღეს, თუმცა „კლიპერსმა“ მიზანს მაინც მიაღწია და 107-104 იმარჯვა.
How much do we love @patbev21?
— LA Clippers (@LAClippers) November 21, 2019
✋ THIIIIIIIIS MUCH ????
╲ ╱
╲ ╱
╲ ╱
╲ ????╱
| |
/ pic.twitter.com/O2SE2ifRLf
უცნაურია მაგრამ ლოს-ანჯელესელთა რიგებში საუკეთესო არც ჯორჯი და არც ლეონარდი ყოფილა. დოკ რივერსის გუნდს 27 ქულით ლუ უილიამსმა ულიდერა. ზემოთ ხსენებულმა დუეტმა კი ჯამში 42 ქულა მიითვალა.
„ბოსტონის“ მხრიდან 30 ქულით ჯეისონ ტეიტუმი გამოირჩა. მარკუს სმარტმა თავი 15 ქულას მოუყარა, ხოლო კემბა უოკერი 13 ქულას დასჯერდა. აღსანიშნავია, რომ სმარტმა და უოკერმა ჯამში 37-ჯერ ისროლეს და მხოლოდ 11 ბურთი ჩააგდეს.
This angle is everything. Jayson Tatum is a bad, bad man. (via @celtics) pic.twitter.com/JFYkElqrUN
— SLAM (@SLAMonline) November 21, 2019
***
„სან ანტონიო სპურსს“ ისტორიულად ცუდი პერიოდი უდგას. გამთენიისას ტეხასელებმა მიჯრით მეშვიდე შეხვედრა წააგეს, რაც გუნდის მთავარი მწვრთნელის პოსტზე გრეგ პოპოვიჩის ყოფნისას პირველად მოხდა.
„სან ანტონიო“ ამჯერად საკმაოდ სუსტ „ვაშინგტონ უიზარდსთან“ დამარცხდა და თანაც ისე, რომ მეტოქეს 138 ქულა ჩააგდებინა!
no look, no problem ????#GoSpursGo pic.twitter.com/1RwiQ3kkZJ
— San Antonio Spurs (@spurs) November 21, 2019
„ჯადოქრებს“ 33 ქულით ბრედლი ბილმა ულიდერა. იშ სმიტი და დავის ბერტანსი 21-21 ქულით გამოირჩნენ. რუი ჰაჩიმურამ კი აქტივში 15 ქულა ჩაიწერა.
1⃣5⃣ points & 7⃣ rebounds for the rui-kie! ????????#WizSpurs | @rui_8mura pic.twitter.com/bwtM4YJwhh
— Washington Wizards (@WashWizards) November 21, 2019
„სპურსის“ მხრიდან 31 ქულით დემარ დეროუზენი გამოირჩა. ბრინ ფორბსმა მატჩი 19 ქულით დაასრულა. რუდი გეიმ 18 ქულა დააგროვა, ხოლო პატი მილსმა თავი 16 ქულას მოუყარა.
ფილადელფია - ნიუ იორკი 109 – 104
ატლანტა - მილუოკი 127 – 135
ბრუკლინი - შარლოტი 101 – 91
დალასი - გოლდენ სტეიტი 142 – 94
მაიამი - კლივლენდი 124 – 100
ტორონტო - ორლანდო 113 – 97
ჩიკაგო - დეტროიტი 109 – 89
მინესოტა - იუტა 95 – 103
დენვერი - ჰიუსტონი 105 - 95