დაპირისპირება მესისა და კავანის შორის - ჯერ მოედანზე, შემდეგ გვირაბში
Aa
Aa
19 ნოემბერი 2019  |  11:14

დაპირისპირება მესისა და კავანის შორის - ჯერ მოედანზე, შემდეგ გვირაბში

არგენტინისა და ურუგვაის ნაკრებებს შორის ისრაელში გამართული ამხანაგური მატჩი ფრედ - 2-2 დასრულდა. „ალბისელესტესა“ და „ლა სელესტეს“ შერკინება საკმაოდ საინტერესო და სანახაობრივი გამოდგა. ერთ-ერთი დასამახსოვრებელი მომენტი კი ლიონელ მესისა და ედინსონ კავანის დაპირისპირება გახლდათ.

ხსენებულ ფეხბურთელებს შორის სიტუაციის გამწვავება „ლა პულგაზე“ აღებულ უხეშ ჯარიმას მოჰყვა, რომლის შემდეგაც მათ შორის კამათი დაიწყო. ურუგვაელმა მესის სიტუაციის გასარკვევად ჩხუბი შესთავაზა, რაზეც „ბარსელონას“ სუპერვარსკვლავმა ასე უპასუხა: „როცა გინდა“.

OLE-ს ინფორმაციით ყველაფერი ამით არ დასრულებულა. არგენტინული გამოცემის მიხედვით კავანი და მესი ერთმანეთს პირველი ტაიმის შემდეგ, გასახდელისკენ მიმავალ გვირაბშიც დაუპირისპირდნენ და საქმე იქამდე მივიდა, რომ მათი გაშველება ლუის სუარესს მოუწია.

მსგავსი სიახლეები

ცხელი ამბები