შარიქაძის უიღბლობა გრძელდება:მძიმე ტრავმა და ექვსთვიანი რეაბილიტაცია
ქართველი მორაგბის, მერაბ შარიქაძის კარიერაში უიღბლო პერიოდი გრძელდება. ფრანგული მედიის ცნობით 26 წლის ცენტრი მძიმე ტრავმის გამო 4-დან 6 თვემდე ვერ ითამაშებს.
Lamontagne.fr-ს ცნობით ''ბორჯღალოსანთა'' კაპიტნისთვის სეზონი დასრულდა, რაგბის მსოფლიო თასიდან შარიქაძე კლუბში ტრავმირებული დაბრუნდა, მას მუხლის ჯვარედინი იოგი გაწყვეტილი აქვს, სარეაბილიტაციო კურსი მინიმუმ ოთხ და მაქსიმუმ ექვს თვეში დასრულდება.
#Rugby #proD2 #Aurillac => fin de saison pour Merab Sharikadze https://t.co/3CBQtIUw6E pic.twitter.com/MbnmsPovFl
— La Montagne (@lamontagne_fr) November 12, 2019
შეგახსენებთ, 2014 წლიდან შარიქაძე ფრანგული ''ორიაკის'' წევრია. ''ორიაკში გადასვლამდე ქართველი მორაგბე 2013-14 წლებში ასევე ფრანგულ ''ბრესანში'' გამოდიოდა.
შარიქაძე 2012 წლიდან ''ბორჯღალოსანთა'' ღირსებას იცავს. მან საქართველოს ეროვნულ გუნდში 62 მატჩი ჩაატარა.
ფოტო: Reuters