თოკომ იფრინა! 29 ქულა და საკუთარი ნახევრიდან ჩაგდებული ბურთი!
ესპანეთის ჩემპიონატის მე-8 ტურში თორნიკე შენგელიას „ბასკონია“ „ობრადოიროს“ ესტუმრა და 92:79 გაიმარჯვა.
მორიგი სუპერმატჩი ჩაატარა ვიტორიელთა ქართველმა კაპიტანმა, რომელიც პარკეტზე უბრალოდ ბრწყინავდა. თოკომ 33:46 წუთი ითამაშა, მისი მონაგარი 29 ქულა, 7 მოხსნა, 2 გადაცემა, 2 ჩაჭრა და 1 დაფარება იყო.
29 ქულა შენგელიასთვის ესპანეთის ჩემპიონატში საუკეთესო მაჩვენებელია. მას დღემდე ყველაზე მეტი 28 ქულა ჰქონდა ჩაგდებული.
მატჩის საუკეთესო მომენტი პირველი მეოთხედის ბოლო წამებზე იყო, როდესაც ქართველმა ბურთი საკუთარი ნახევრიდან ისროლა და ფარში ზუსტად მოათავსა!
შენგელია შესაძლოა ტურის MVP-იც გახდეს, რაც გასაკვირი სულაც არ იქნება. მისი მარგი ქმედების კოეფიციენტი 32-ია.
???? El capitán @TokoShengelia23 bate su récord de anotación en @ACBCOM ????#GoazenBaskonia pic.twitter.com/hM27UNrU9v
— Saski Baskonia (@Baskonia) November 10, 2019
თოკომ 14 ორქულიანიდან 6 ზუსტად ისროლა, 2-დან 2 სამიანი ჩააგდო და 13-დან 11 საჯარიმო გამოიყენა. ასევე აღსანიშნავია, რომ მან მხოლოდ 1 ფოლი მიიღო, მის წინააღმდეგ კი მეტოქე 7-ჯერ დაჯარიმდა.
ხსენებულ შეხვედრაში ასევე დამაჯერებლად ითამაშა ნატურალიზებულმა ქართველმა მეტ ჯენინგმაც, რომელმაც 26:08 წუთსი 11 ქულის ჩაგდება შეძლო.
„ბასკონია“ 4 გამარჯვებითა და 4 მარცხით მე-6 პოზიციაზე იმყოფება. მომდევნო ტურში, რომელიც 17 ნოემბერს გაიმართება, ვიტორიელები „ფუენლაბრადას“ დაუპირსპირდებიან.
