გარიგებულ მატჩებში ბრალდებული ფეხბურთელების პროცესი გადაიდო
თბილისის საქალაქო სასამართლოში გარიგებულ მატჩებში ბრალდებული ფეხბურთელების დღეს გასამართი პროცესი გადაიდო.
ამის მიზეზი კი ერთ-ერთი ბრალდებულის, რობერტ იმერლიშვილის პროცესზე დაგვიანება გახდა.
მოსამართლე ლაშა ჩხიკვაძემ, 188-ე მუხლის დარღვევის გამო, რაც სასამართლო სხდომაზე პირის არასაპატიო მიზეზით გამოუცხადებლობას ითვალისწინებს, იმერლიშვილს 500-ლარიანი ფულადი ჯარიმა დააკისრა.
მომდევნო სასამართლო სხდომა 4 ნოემბერს, 15:00 საათზე დაიწყება.
ფეხბურთელების სასამართლო პროცესი პროფესიული სპორტული შეჯიბრების მოსყიდვის ფაქტზე მიმდინარეობს, რაც 4-დან 6 წლამდე თავისუფლების აღკვეთას ითვალისწინებს.
ირაკლი მარშანია - პროკურორი
მაია ყანადაშვილი - რობერტ იმერლიშვილის ადვოკატი