დრამატული მატჩი - სამხრეთ აფრიკამ უელსი დაამარცხა და ფინალშია!
იაპონიაში მიმდინარე რაგბის მსოფლიო ჩემპიონატზე მეორე ფინალისტის ვინაობა გაირკვა. სამხრეთ აფრიკამ დრამატულ ბრძოლაში უელსს 19:16 სძლია და მსოფლიო თასისთვის ფინალში ინგლისს შეერკინება.
South Africa are going to the final at Rugby World Cup 2019 after beating Wales 19-16#WALvRSA #RWC2019 #WebbEllisCup pic.twitter.com/hfNJSKLIAL
— Rugby World Cup (@rugbyworldcup) October 27, 2019
სამხრეთ აფრიკელებმა მთლიანობაში უკეთ ითამაშეს და ეს მხოლოდ ტაბლოზე არ ასახულა. პირველი ნახევარი უელსმა 6:9 დათმო.
მატჩის ორივე ლელო მეორე ტაიმში დაიდო. უელსმა შესვენების შემდეგ ჯარიმის დარტყმის უფლება მოიპოვა და ანგარიში გაათანაბრა.
ამის შემდეგ, 57-ე წუთზე ალენდემ შეხვედრის პირველი ლელო დადო, რომელიც ზუსტად პოლარდმა გარდასახა.
პოლარდი მთელი მატჩის განმავლობაში ბრწყინვალედ გამოიყურებოდა
Pollard sees the space and kicks a beauty in to touch.#WALvRSA #RWC2019 #WebbEllisCup
— Rugby World Cup (@rugbyworldcup) October 27, 2019
Find out where you can watch at https://t.co/z0BgdPH0sf pic.twitter.com/LF3W1Xd3gc
ბრიტანელებს შეტევის გარდა სხვა გზა აღარ რჩებოდათ. 65-ე წუთზე ადამსმა საპასუხო ლელოს დადება შეძლო, ჰალფპენიმ ზუსტად გარდასახა და ანგარიში გათანაბრდა.
თითქოს ყველაფერი დამატებითი დროისკენ მიდიოდა, თუმცა 76-ე წუთზე სამხრეთ აფრიკამ ჯარიმის უპირატესობა მიიღო, რომელიც ზუსტად პოლარდმა შეასრულა და თავისიანები 3 ქულით დააწინაურა.
უელსელებმა ბოლო წუთები შესაბამისად ვერ გამოიყენეს და შეტევა ვერ განახორციელეს. საბოლოოდ სამხრეთ აფრიკელებმა ფინალის საგზური სრულიად დამსახურებულად მოიპოვეს.
2 ნოემბერს თბილისის დროით 13:00 საათზე ფინალში ერთმანეთს ინგლისი და სამხრეთ აფრიკა შეერკინებიან.
შეხვედრის სრული მიმოხილვა
