საქართველოს თასის ფინალში "ლოკომოტივი" "საბურთალოს" დაუპირისპირდება
საქართველოს დავით ყიფიანის სახელობის თასის ფინალში „ლოკომოტივი“ ქვეყნის მოქმედ ჩემპიონს „საბურთალოს“ დაუპირისპირდება.
დღის პირველ ნახევარფინალში რკინიგზელებმა საგარეჯოში მეოთხე ლიგის გუნდი „გარეჯი“ მძიმე ბრძოლაში ანგარიშით 3:2 დაამარცხეს.
მატჩის დებიუტში მასპინძლები ილია გუჯარაიძემ დააწინაურა.
შეხვედრის მეორე ტაიმში „ლოკომ“ 2 წუთიან ინტერვალში 2 გოლის გატანა მოახერხა. გოლები ირაკლი სიხარულიძემ და ნიკა ჭანტურიამ გაიტანეს.
3 წუთში „გარეჯმა“ წონასწორობა აღადგინა და საბა თავაძეს გოლით ანგარიში 2:2 გახადა.
67-ე წუთზე კი თეიმურაზ შონიამ პენალტი ზუსტად გამოიყენა და მატჩის საბოლოო ანგარიში დააფიქსირა.
მეორე ნახევარფინალური შეხვედრა მიხეილ მესხის სახელობის სტადიონზე გაიმართა, სადაც „საბურთალომ“ ქუთაისის „ტორპედოს“ უმასპინძლა.
დედაქალაქელებმა მეტოქე ანგარიშით 2:0 დაამარცხეს.
მატჩის მეორე ტაიმის დებიუტში შორეული დარტყმით ანგარიში გიორგი კოხრეიძემ გახსნა.
69-ე წუთზე კი როლოვიჩის დარტყმის შემდეგ ბურთი ანრი ჭიჭინაძეს მოხვდა და კარში შეგორდა.
დავით ყიფიანის სახელობის თასის ფინალი 7 დეკემბერს გაიმართება