შერმადინს ვერ აჩერებენ! 19 ქულა, ზედიზედ მეორე მატჩში MVP და გამარჯვება!
ესპანეთის საკალათბურთო ჩემპიონატის ACB ლიგის მე-4 ტურში გიორგი შერმადინის „იბეროსტარ ტენერიფემ“ მე-2 გამარჯვება მოიპოვა - 90:78.
???? ¡Buenos días, canaristas! ???? ???? pic.twitter.com/71Lrpa4eJG
— Iberostar Tenerife (@CB1939Canarias) October 13, 2019
გამარჯვებაში ტრადიციულად უდიდესი წვლილი შეიტანა ქართველმა ცენტრმა, რომელმაც პარკეტზე 25:47 წუთი დაჰყო. ამ დროში შერმადინის მონაგარი 19 ქულა, 8 მოხსნა და 1 გადაცემა იყო.
მარგი ქმედების კოეფიციენტით (23) ქართველი ორივე გუნდის რიგებში საუკეთესო იყო და შეხვედრის MVP-ის წოდებაც სწორედ მას მიენიჭა!
???? @gioshermadini fue el MVP @BalmesSistemas del partido de hoy
— Iberostar Tenerife (@CB1939Canarias) October 12, 2019
???? 23 de valoración
???? 19 puntos (8/10 en T2 y 3/3 en TL)
???? 8 rebotes
✊ 1 tapón
???? 5 FR +5 pic.twitter.com/8vZmbuk7yc
ასევე აღსანიშნავია, რომ შერმადინის წინააღმდეგ მეტოქე 5-ჯერ დაჯარიმდა, თავად გიორგის ანგარიშზე კი 3 ფოლი იყო.
უკვე ზედიზედ მეორე ტურია ქართველი ცენტრი შეხვედრის MVP-ის წოდებას იმსახურებს. შერმადინი ბრწყინვალე ფორმაშია და ამაზე მისი სტატისტიკაც მეტყველებს - წელს საშუალოდ მისი მონაგარი 18.3 ქულაა.
მარგი ქმედების საშუალო კოეფიციენტით (25) შერმადინი ლიგაში მხოლოდ „ბარსელონას“ ვარსკვლავს ნიკოლა მიროტიჩს (26.67) ჩამორჩება, რომელიც კატალონიელებს NBA-დან მიმდინარე სეზონის წინ შუერთდა.
4 ტურის შემდეგ შერმადინის „ტენერიფე“ სატურნირო ცხრილში მე-8 პოზიციას იკავებს. მომდევნო ტურის შეხვედრას გუნდი 20 ოქტომბერს სტუმრად „მანრეას“ წინააღმდეგ გამართავს.