5 ლელო და ისტორიული გამარჯვება! საქართველომ ურუგვაი დაამარცხა და ბონუს ქულაც მოიპოვა!
იაპონიაში მიმდინარე მსოფლიო ჩემპიონატზე საქართველოს მორაგბეთა ნაკრებმა D ჯგუფის მეორე შეხვედრა გამართა და ურუგვაის 33:7 სძლია, 5 ლელო დადო და ბონუს ქულაც მოიპოვა!
სამხრეთ ამერიკელებმა პირველ ტურში ფიჯის ძლევით (30:27) სენსაცია მოახდინეს, თუმცა ამჯერად ეს არ გამოუვიდათ.
¡Himno Nacional de Georgia!@GeorgianRugby #RWC2019 #GEOvURU #RWCKumagaya pic.twitter.com/VTjIsg22lj
— Rugby World Cup ES (@rugbyworldcupes) September 29, 2019
პირველი ტაიმი „ბორჯღალოსნების“ უპირატესობით წარიმართა. მე-9 წუთზე შერკინების შემდეგ ქართველებმა ბურთი ჭკვიანურად გაათამაშეს და კიდესთან მდგომმა სანდრო თოდუამ შეხვედრის პირველი ლელო დადო. აბჟანდაძემ გარდასახვა ვერ გამოიყენა - 5:0.
29-ე წუთზე ურუგვაელებმა ჩვენს შერკინებას ვერც ამჯერად გაუძლეს, რის შემდეგაც ოთარ გიორგაძემ მეორე ლელოს დადება შეძლო.
ამჯერად თედო აბჟანდაძის გარდასახვა ზუსტი იყო - 12:0.
ამ მომენტიდან მალევე, 32-ე წუთზე „ბორჯღალოსნები“ მოდუნდნენ და დაცვაში მარტივი შეცდომა დაუშვეს. მეტოქემ ხაზი მარტივად გაგვიჭრა და დაგვალელოვა, გარდასახვაც ზუსტი იყო - 12:7
ურუგვაელებს სხვაობის ორ ქულამდე შემცირების საშუალება მიეცათ, თუმცა ჯარიმა უზუსტოდ შეასრულეს და შანსი ხელიდან გაუშვეს. ტაიმიც ასე დასრულდა.
მეორე ნახევარი „ბორჯღალოსნების“ აბსოლუტური უპირატესობით დაიწყო და 43-ე წუთზე ლევან ჩილაჩავას ლელოთი დაგვირგვინდა. აფრასიძემ ზუსტად გარდასახა.
52-ე წუთზე საქართველოს ნაკრებმა ისტორიული ლელო დადო და მისი ავტორი ჯაბა ბრეგვაძე გახდა. მსოფლიო ჩემპიონატზე ქართული რაგბის ისტორიაში ერთ შეხვედრაში 4 ლელო აქამდე არასდროს დადებულა.
ამის შემდეგ, შეხვედრა კვლავ ქართველების კარნახით გაგრძელდა. 58-ე წუთზე გიორგი კვესელაძემ შეხვედრაში მე-4 ლელო დადო. აფრასიძის გარდასახვა ამჯერადაც ზუსტი გამოდგა.
აღნიშვნის ღირსია გელა აფრასიძის ბრწყინვალე თამაში. ახალგაზრდა მორაგბე ურუგვაის წინააღმდეგ შესანიშნავად გამოიყურებოდა.
Gela Aprasidze is a slippery customer. Beautiful sniping run from the @GeorgianRugby number 9 #GEOvURU #RWC2019
— Rugby World Cup (@rugbyworldcup) September 29, 2019
Find out where you can watch at https://t.co/z0BgdPH0sf pic.twitter.com/gTSmv3WYbl
საქართველოს ნაკრები მომდევნო შეხვედრას 3 ოქტომბერს ფიჯის წინააღმდეგ გამართავს. მატჩი თბილისის დროით 09:15 საათზე დაიწყება.