ტაბიძემ ''ბორდოსთან'' ახალი სამწლიანი კონტრაქტი გააფორმა
ფრანგული სარაგბო კლუბის, ''ბორდოს'' ქართველმა მოთამაშემ, ლაშა ტაბიძემ კლუბთან ახალი სამწლიანი კონტრაქტი გააფორმა. ინფორმაცია 22 წლის სპორტსმენმა სოციალურ ქსელში დაადასტურა.
ტაბიძე Top 14-ის კლუბის ღირსებას 2016 წლიდან იცავს. ქართველი მორაგბე 2016 წლის მსოფლიოს 20-წლამდე ჩემპიონატის სიმბოლურ გუნდში მოხვდა.
2016 წლიდან მოყოლებული ტაბიძემ საქართველოს ეროვნულ გუნდში 2 მატჩი ჩაატარა.