სხირტლაძე ბრწყინვალე ფორმაშია - დუბლი ექსტრაკლასაში!
პოლონეთის ექსტრაკლასას მე-9 ტურში ლოძის ლსკ შინ გდინიას ''არკასთან'' 1:2 დამარცხდა.
მატჩის 21-ე წუთზე ''არკას'' ქართველმა შემტევმა დავით სხირტაძემ ანგარიში გახსნა და მიმდინარე სეზონში მორიგი გოლი გაიტანა. 43-ე წუთზე სხირტლაძემ დუბლი შეასრულა და ''არკას'' უპირატესობა ორ ბურთამდე გაზარდა.
პირველი ტაიმი სტუმართა გამარჯვებით 0:2 დასრულდა.
სხირტლაძის პირველი გოლი
სხირტლაძის მეორე გოლი
შესვენების შემდეგ ''არკამ'' კიდევ 2 გოლი გაიტანა. ქართველმა ფეხბურთელმა მეოთხე გოლის შექმნაშიც მიიღო მონაწილეობა. სხირტლაძე 87-ე წუთზე შეცვალეს.
16-გუნდიან ჩემპიონატში ''არკა'' 8 ქულით მე-14 ადგილზეა.
''ორჰუსისა'' და ''სილკებორგის'' ყოფილი თავდამსხმელი ''არკას'' გასულ ზაფხულში შეუერთდა. 26 წლის ფეხბურთელმა ექსტრაკლასას 7 მატჩში 4 გოლი შეაგდო.
ასევე საინტერესოა, რომ პოლონეთის ჩემპიონატის უკანასკნელ 4 შეხვედრაში სხირტლაძემ 4 გოლი გაიტანა.
დიდი ალბათობით ოქტომბრის სანაკრებო შეხვედრებისთვის ვლადიმირ ვაისი სხირტლაძეს საქართველოს ეროვნულ გუნდში დააბრუნებს. სწორედ სლოვაკის მწვრთნელობისას შედგა სხირტლაძის დებიუტი ეროვნულ ნაკრებში.
ფოტო: arka.gdynia.pl