გიორგაძემ ჩეხურ კლუბთან სამწლიანი კონტრაქტი გააფორმა
უკრაინული ''ვორსკლას'' დატოვების შემდეგ 22 წლის ქართველმა ცენტრალურმა მცველმა ანდრო გიორგაძემ ჩეხურ ''ზლინთან'' სამწლიანი კონტრაქტი გააფორმა. CrystalSport-ის ცნობით ფეხბურთელმა ახალ გუნდში პირველი ვარჯიში დღეს ჩაატარა.
''ზლინში'' გიორგაძის გარდა კიდევ ერთი ქართველი ფეხბურთელი ვახტანგ ჭანტურიშვილი ირიცხება, რომელიც ჩეხურ გუნდში 2019 წლის დასაწყისიდან გამოდის.
@andro_giorgadze signed a three year contract with @footballzlin pic.twitter.com/UIcPB8OOAZ
— Dima Shariqadze (@shariqadzedima) September 4, 2019
საქართველოს ახალგაზრდული ნაკრების ყოფილი მოთამაშე 2017-19 წლებში უკრაინის პრემიერლიგის ''ვორსკლას'' ღირსებას იცავდა. უკრაინის ჩემპიონატში 18 მატჩი ჩაატარა, უკრაინის თასზე კი ერთხელ იასპარეზა.
2018-19 წლების სეზონში სანდრო კობახიძისა და ანდრო გიორგაძის ''ვორსკლამ'' ევროპა ლიგის ჯგუფურ ეტაპზე ითამაშა. ლონდონის ''არსენალთან'' გასვლით შეხვედრაში კობახიძე სასტარტოში მოხვდა, ხოლო გიორგაძემ მატჩს თვალი სათადარიგოთა სკამიდან ადევნა.
