433 - ცნობილმა გვერდმა მერებაშვილს დასცინა, ქართველის პასუხმა არ დააგვიანა
ცნობილმა სპორტულმა გვერდმა 433, რომელიც გამორჩეულ საფეხბურთო ვიდეოებს აქვეყნებს, ინსტაგრამზე 22 მილიონზე მეტი გამომწერი ჰყავს.
ხსენებულმა გვერდმა გიორგი მერებაშვილის ვიდეო გამოაქვეყნა, 2016-2017 წლების სეზონი პოლონეთის ექსტრაკლასაში, როდესაც ქართველმა შემტევმა დიდებული სოლო რეიდის შემდეგ ცარიელ კარს ააცილა.
4-3-3 ვიდეოს შემდეგ სათაურს აწერს: "From Leo Messi to messy". კომენტარებში უამრავი სახალისო გამოხმაურება დაიწერა.
ხსენებულ ვიდეოს კომენტარებში ექსტრაკლასას გვერდიც გამოეხმაურა და დაწერა: „მისთვის ასეთი რამის გაკეთება საკმაოდ ადვილი გახლავთ, მან მეტოქეს უბრალოდ შანსი მისცა“.
ცოტა ხნის შემდეგ მერებაშვილმა 4-3-3-ს უპასუხა და პოლონეთში მის მიერ გატანილი ყველაზე ცნობილი გოლი გამოაქვეყნა. ჰეშთეგში „მერებას“ პასუხი ასეთი იყო: "Old but Gold".
