ოზილი საუკეთესო "მეთოფეა"
გერმანიის ნაკრებისა და ლონდონის "არსენალის" ნახევარმცველი მესუტ ოზილი, კლუბის გულშემატკივრებს შორის გამოკითხვის შედეგად, განვლილი სეზონის, "არსენალის" საუკეთესო ფეხბურთელად დასახელდა.
გერმანელის გამარჯვება სავარაუდო იყო, რადგან იგი სეზონის მიმდინარეობისას, თვის საუკეთესო ფეხბურთელი 3-ჯერ გახდა. ოზილმა გასული წლის ნოემბერში რეკორდიც დაამყარა, როდესაც ზედიზედ 7 შეხვედრაში, მინიმუმ 1 საგოლე გადაცემის გაკეთებას მაინც ახერხებდა.
ზოგადად კი გასულ სეზონში გერმანელმა ნახევარმცველმა 35 მატჩში მიიღო მონაწილეობა, აქტივში კი 6 გოლი და 19 საგოლე გადაცემა აქვს.
