ეფექტური გოლი - დავით სხირტლაძემ თავის პოლონურ კარიერაში პირველად გაიტანა
ქართველმა შემტევმა დავით სხრიტლაძემ თავის პოლონურ კარიერაში პირველი და ძალიან ლამაზი გოლი გაიტანა.
სხირტლაძის „არკა“ სტუმრად „კრაკოვიას“ ეთამაშებოდა და სამწუხაროდ 1:3 დამარცხდა. პრესტიჟის გოლის ავტორი კი დავით სხირტლაძე გახდა.
94-ე წუთზე ქართველმა შემტევმა მეტოქეს ორი ცრუმოძრაობა გაუკეთა, ეფექტურად მოატყუა და მეკარეს დაფარულ კუთხეში აუღებელი დაურტყა.
Cracovia 3-[1] Arka Gdynia - Davit Skhirtladze 90+3' Perfect Goal pic.twitter.com/J9h8akw1VD
— Mamuka Kukuladze (@mamukakukuladz1) August 24, 2019
შეგახსენებთ, რომ სხირტლაძე „არკამდე“ დანიური ''ორჰუსისა'' და ''სილკებორგის'' ღირსებას იცავდა.
26 წლის ქართელმა შემტევმა კარიერის საუკეთესო პერიოდი 2016-18 წლებში დანიურ ''სილკებორგში'' გაატარა, რომელიც მისი დახმარებით სუპერლიგაში დაბრუნდა და შემდეგ დანიის თასის ფინალში გავიდა. სხირტლაძემ ფინალურ შეხვედრაში ''ბრონდბიუს'' გოლი გაუტანა, თუმცა მისი გუნდი დამარცხდა.
