რატომ გაბრაზდა კონორი? რა უთხრა ასაკოვანმა მამაკაცმა მაკგრეგორს?
UFC-ის მებრძოლი, კონორ მაკგრეგორი ცოტა ხნის წინ მორიგ სკანდალში გაეხვა. ირლანდიელმა დუბლინში მდებარე ერთ-ერთ ბარში ასაკოვან ადამიანს მუშტი დაარტყა. MMA-ის სამყაროში მაკგრეგორის გამოხტომას დიდი აჟიოტაჟი მოჰყვა და კონორი კიდევ ერთხელ გააკრიტიკეს
დღეს Irish Mirror-მა საინტერესო სტატია გამოაქვეყნა, სადაც იმ მიზეზებზე გააკეთა აქცენტი, რამაც ინციდენტი გამოიწვია. ერთ-ერთმა თვითმხილველმა ბრიტანულ გამოცემას ინტერვიუ მისცა და მომხდარის შესახებ ისაუბრა: "პიროვნებამ, რომელსაც მაკგრეგორმა ვისკი შესთავაზა, კონორს უთხრა - არ მინდა ამ საზიზღრობის დალევა. არ მინდა შენი სასმელი".
"გვეგონა, რომ ამით ყველაფერი დასრულდა, მაგრამ შემდეგ კონორმა მუშტი დაარტყა".
შეგახსენებთ, რომ ირლანდიის პოლიცია მომხდარს იძიებს და ყველაფერი უახლოეს მომავალში გახდება ცნობილი.