"მაკლარენი" ანონსოს ბოლო საჯინიბოა

ფერნანდო ალონსო აცხადებს, რომ „მაკლარენი“ მისი ბოლო გუნდი იქნება და იქიდან წამოსვლასთან ერთად, ფორმულა ერთში თავის კარიერასაც დაასრულებს. მსოფლიოს ორგზის ჩემპიონი ახლა 33 წლისაა. ფ1-ში მისი დებიუტი 2001 წელს შედგა. მაშინ მან „მინარდის“ ბოლიდით იასპარეზა. წლევანდელი სეზონი მისთვის ფ1-ში მეთხუთმეტეა. აქედან ერთი სეზონი მან „რენოს“ ტესტ პილოტის რანგში, რეზერვში გაატარა.

ესპანელმა მრბოლმა „მაკლარენთან“ მრავალწლიანი კონტრაქტი გააფორმა, მაგრამ კონკრეტულად რამდენ სეზონზე, უცნობია. ის ამბობს, რომ სწორედ „მაკლარენში“ დაასრულებს კარიერას, თუმცა კონკრეტულად როდის, ამაზე არაფერს ამბობს. ასევე გამორიცხავს, რომ ბრიტანულ გუნდში მენეჯერად დარჩება. ესპანელი აცხადებს, რომ „ნორმალურ ცხოვრებას“ დაიწყებს მას შემდეგ, რაც სპორტიდან წავა.

 

„ჩემი აზრით, ფორმულა ერთში 15, 16, ან 17 სეზონის შემდეგ, გაგრძელება აღარ ღირს.. უბრალოდ, ჩემი ცხოვრების ამ ნაწილს დავხურავ“, . ყველაფერი მამაჩემის მიერ გაკეთებული, „მაკლარენ-ჰონდას“ რეპლიკით დავიწყე. მაშინ სამი წლის ვიყავი. დასრულებასაც „მაკლარენ-ჰონდათი“ ვაპირებ, ამჯერად ფორმულა ერთის რეალური მანქანით.  ეს ჩემი ცხოვრების მესამედის დასასრული იქნება. ამ დრომ დიდი გამოცდილება, დიდებული მოგონებები და შესანიშნავი სამეგობრო წრე მომცა. ნორმალური ცხოვრება მაშინ დაიწყება, როცა სპორტიდან წავალ და საკუთარ თავს აქ მენეჯერად ვერ ვხედავ“. - განაცხადა ალონსომ.