BBC: "მანჩესტერი" და "ლესტერი" შეთანხმდნენ - მაგუაიერი "ოლდ ტრაფორდზე" მიდის!

„ლესტერის“ ინგლისელი ცენტრალური მცველი ჰარი მაგუაიერი კარიერას „მანჩესტერ იუნაიტედში“ გააგრძელებს.

BBC-ის ინფორმაციით, „მანკუნიანელებმა“ „მელიებთან“ შეთანხმებას მიაღწიეს და 80 მილიონი ფუნტის დანაცვლოდ 26 წლის ფეხბურთელი „ოლდ ტრაფორდზე“ გადაბარგდება.

ტანსფერი მას შემდეგ გამოცხადდება, როცა მაგუაიერი „იუნაიტედის“ რიგებში სამედიცინო შემოწმებას გაივლის.

ტრანსფერის გაოფიციალურების შემდეგ მაგუაიერი ყველა დროის ყველაზე ძვირადღირებული მცველი გახდება. დღ3ემდე ამ სტატუსს ვირჯილ ვან დეიკი ატარებდა, რომელიც "საუთჰემპტონიდან" "ლივერპულში" 75 მილიონი ფუნტის სანაცვლოდ გადავიდა.

ინგლისელი „ლესტერის“ ღირსებას 2017 წლიდან იცავდა. მის ანგარიშზე 76 შეხვედრაში 5 გოლი და 3 საგოლე გადაცემაა.