შინდაგორიძე კარიერას ბელარუსიაში გააგრძელებს
CrystalSport-ის ცნობით საფეხბურთო კლუბი ''საბურთალო'' ლაშა შინდაგორიძის ტრანსფერზე ბელარუსიის სოლიგორსკის ''შახტიორს'' შეუთანხმდა. 26 წლის გარემარბი ბელარუსულ კლუბთან 2,5-წლიან კონტრაქტს გააფორმებს.
#CrystalSport: @AGFFodbold former player Lasha Shindagoridze has agreed @fcshakhterby pic.twitter.com/lUl7PqvA52
— Dima Shariqadze (@shariqadzedima) August 1, 2019
შინდაგორიძე დანიური ''ორჰუსისა'' და უნგრული ''ბალმაზუივაროშის'' ყოფილი ფეხბურთელია. მისთვის სოლიგორსკის ''შახტიორი'' მესამე უცხოური კლუბია.
2019 წლის კრისტალბეთ ეროვნულ ლიგაში შინდაგორიძემ 21 მატჩში 10 გოლი გაიტანა და 1 საგოლე პასი შეასრულა.
ევროპა ლიგის მეორე საკვალიფიკაციო ეტაპზე ''შახტიორმა'' შინ ლაშა პარუნაშვილის დანიური ''ესბიერგი'' 2:0 დაამარცხა და შემდეგ ეტაპზე გასვლის რეალური შანსი აქვს.
შინდაგორიძე ევროპა ლიგაზე ''შახტიორს'' მხოლოდ ჯგუფურ ეტაპზე მოხვედრის შემთხვევაში დაეხმარება, რადგან ჩემპიონთა ლიგის საკვალიფიკაციო ეტაპზე ''საბურთალოსთვის'' ''შერიფის'' წინააღმდეგ ითამაშა.
ფოტო: ''საბურთალოს'' პრესსამსახური