ლუკაკუმ "მანჩესტერის" შეკრება დატოვა - ბელგიელი "ინტერს" უახლოვდება

რომეუ ლუკაკუმ „მანჩესტერ იუნაიტედის“ წინასასეზონო შეკრება დატოვა და თავის აგენტთან შესახვედრად ბელგიაში გაემგზავრა.

Daily Mail-ის ინფორმაციით, „ინტერი“ და „მანჩესტერი“ შეთანხმებასთან ახლოს არიან და ბელგიელი ფორვარდიც შეხვედრაზე სწორედ ამიტომ გაემგზავრა.

ანტონიო კონტეს თავისი გუნდის ცენტრფორვარდად ლუკაკუ სურს და ეს თავად ფეხბურთელმაც კარგად იცის.

„იუნაიტედის“ მიერ პირველად შეთავაზებული 54 მილიონი ფუნტი „ინტერმა“ დაბლოკა და „მანკუნიანელებს“ თანხის გაზრდისკენ მოუწოდა.

„წითელ ეშმაკებს“ ლუკაკუს სანაცვლოდ 80 მილიონი ფუნტის მიღება სურთ, თუმცა ნათელია რომ ამხელა თანხას ბელგიელში არავინ გადაიხდის.

წყაროს თანახმად უახლოეს 48 საათში მხარეები შეთანხმებას მიაღწევენ და ლუკაკუ კარიერას სერია ა-ში გააგრძელებს.