ხაბიბ ნურმაგომედოვი: "როდესაც ასეთ ამბავს ვიგებ, მძულს სპორტის ეს სახეობა"
შერეული ორთაბრძოლების ჩემპიონმა ხაბიბ ნურმაგომედოვმა სოციალიურ ქსელში მწუხარება გამოთქვა რუსი მოკრივის მაქსიმ დადაშევის დაღუპვის გამო, რომელიც წაგებული ბრძოლის შემდეგ რამდენიმე დღეში გარდაიცვალა.
"ეს შემთხვევა კიდევ ერთხელ ამტკიცებს, რომ სპორტი მთავარი არ არის და არსებობს უფრო მნიშვნელოვანი რაღაცები. ყოველთვის, როდესაც ასეთ ამბავს ვიგებ, მძულს სპორტი, რომელშიც ერთმანეთს ვურტყამთ. ყველაფერი დროებითია: სახელი, ფული, ტიტულები და მთელი ჩვენი ცხოვრება. ყველანი წავალთ იმქვეყნად და აქ არავინ დავრჩებით. მოთბინება და გამძლეობა მაქსიმის ოჯახის წევრებს და ახლობლებს.“ - დაწერა თავის ინსტაგრამზე ხაბიბმა